Министерство физической культуры и спорта Чувашской Республики

Самбистсем республика чысне хÿтĕленĕ

Кăрлачăн 18-20-мĕшĕсенче Чулхула облаçĕнчи Кстово хулинче самбистсен Раççей шайĕнчи ăмăртăвĕ иртнĕ. Виçĕ кунра çĕршывăн тĕрлĕ регионĕнчи 23 çулчченхи 350 çамрăк çĕнтерÿшĕн тупăшнă.

Пĕтĕм тĕнчери Олимп спорт академийĕн кавирĕ çинче 19 медаль хуçине тупнă. Атăлçи округĕн командинче — 5 «ылтăн», 4 «кĕмĕл» тата 8 «бронза». Унта Чăван Ен çамрăкĕн Татьяна Федоровăн тÿпи те пур — «бронза» медале тивĕçнĕ вăл.

Ĕнер пирĕн республика хĕрĕсем тата 3 медальпе пуянлатнă. 52 килограмлисен йышĕнче Вера Лоткова Мускав, Томск тата Курган облаçĕсенчи хĕрсене çĕнтерсе чи маттурри пулса тăнă. Çавăн пекех Вера раштав уйăхĕнче Мадридра иртекен Европа Кубокне хутшăнма путевка тивĕçнĕ.

80 килограмм таяканнисен йышĕнче Регина Миндубаева — «кĕмĕл», 62 килограмлисен хушшинче Станислав Никифоров «бронза» медальсем илнĕ.



Газеты "Хыпар"
22 января 2020
10:06
Поделиться